قصه للعبره

انا عاوزه احكيلكوا قصه حصلت فعلا كان في ست جوزها توفي وعندها ابن صغير ورفضت انها تتجوز بعد لما جوزها مات وقالت انا هربي ابني احسن المهم عدت الايام

والابن كبر واتجوز وخلف وبعد فتره جت مراته قالتله انا معنتش قادره استحمل والدتك لانهم كانوا طبعا عايشين في بيت واحد قالها: اعمل ايه يعني دي والدتي وست

كبيره ولازم نستحملها واتفقوا علي اتفاق طبعا اكيد الشيطان كان ثالثهم فيه وهو انهم خرجوا راح علي شاطئ في البلد اللي هما فيها وبعدين الابن قال لوالدته انا هقوم

اتمشي انا ومراتي والولاد وهنرجعلك بعد شويه بس لو اتأخرنا خلي معاكي الورقه دي فيها رقم تليفوني ابقي اتصلي عليا وانا هجيلك علطول المهم الوقت عدي وهما

مرجعوش وهيا نامت تقريبا وبعد شويه صحيت كان المغرب دخل ومالقتهوش رجع طبعا قامت مخضوضه عليه مش علي انها قاعده لوحدها المهم ندهت لراجل كان معدي

وقالتله معلش يابني اتصلي بالرقم دا عشان اكلم ابني عشان مشي واتاخر المهم الراجل فتح الورقه وقرا اللي فيها وسكت كدا فالست بتقوله في ايه يابني قالها لا مفيش

حاجه ياحاجه ومكنش راضي يقولها علي اللي في الورقه ومرضاش يقولها غير بعد لما حلفته بالله قالها ياحاجه ابنك كاتب ان اللي يلاقي الست دي يوديها لاقرب دار مسنين

ودا رقمي لو احتجتوا اي فلوس المهم الست ذهلت من المكتوب في الورقه وصعبت علي الراجل وقالها متزعليش نفسك ياحاجه وتعالي عيشي معايا انا ومراتي

وولادي وهما طيبين وهيحبوكي قالتله لا وديني لاقرب دار مسنين زي ما ابني قال المهم بعد شويه الست دي جالها مرض وحست انه مرض الموت فطلبت من الممرضه

اللي معاها انها تكلم ابنها وتقوله تعالي شوف والدتك لانها تعبانه وعاوزه تشوفك المهم الممرضه راحت اتصلت ورجعت وهيه مهمومه فالست قالتلها قالك ايه قالتلها

بيقول انه مش فاضي دلوقت المهم الست بعد شويه خلاص كانت بتموت قالت للممرضه اتصلي بابني وقوليله امك بتموت فالممرضه اتصلت فرد عليها الابن قالها معلش

اصلي مش فاضي دلوقت انا بتفسح اني ومراتي وولادي وهبقي اجيلها بعد شويه فالممرضه رجعت وقالت للست الكلام دا فالست قالتلها لما ابني ييجي يستلم جثتي بلغيه

العباره دي قوليله لا سامحك الله لا سامحك الله لا سامحك الله تلت مرات وبعد كدا ماتت الست المهم اتصلوا بعد ساعتين عشان يكلموا ابنها ييجي يستلم الجثه فرد عليها

واحد قالها انتي عاوزه مين فقالتله فلان قالها دا من ساعتين اتقلبت بيه العربيه هو ومراته وولاده ومات يعني في نفس الوقت اللي دعت فيه الام سبحان الله فعلا يمهل ولا يهمل...